شوية حبوب صراحة
يعني فرضا لو عمنا يوسف السباعي( متتعبش نفسك وتسأل مين يوسف السباعي) خليه عمنا فؤاد المهندس حطلنا شوية حبوب صراحة تخفف شوية من طعم الميكروبات اللي في الميه.
تفتكروا كام واحد هيشرب من مية الحنفية الملوثة بطبيعتها؟.. الإجابة مش محتاجة تفكير كتير.
الغلابة اللي بتوصلهم الميه من الأساس كلهم هيشربوا، وهيقولوا كلام كتير مش محتاجين نكرره علشان محدش يزعل منا..
ومش عايز حد يقلق أو يخاف عليهم، وعلى مصيرهم من الكلام اللي هيقولوه وأنتوا وأنا عارفينه، لأنه ببساطه محدش شاغل باله بيهم وبالكلام اللي بيقولوه، حلو وحش، كلام مذوق ولا من الكلام اللي يودي بلد اللي يروح مبيرجعش.
وبعدين هيجرى لهم أيه يعني من حبوب الصراحة؟، ماهو ما شاء الله الميه مليانة خيرات بتسبب ميِت طريقة للموت مش هتفرق أما يبقوا ميه وواحد.
أما أسيادنا وتاج راسنا أولاد ( العز )- ومحدش يفهمني غلط، فمتخافوش عليهم لأنهم بالأساس مبيشربوش من ميتنا، وبرضه محدش يسألني أومال بيشربوا منين، يعني هو أنا كنت ابن عز عشان أعرف؟
وعموما حتى لو شربوا كل حبوب الصراحة اللي انتجتها العبقرية البشرية لا أعتقد إنها تنفع معاهم، فمن الواضح إن الجينات الوراثية محصنة تماما ضد اختراق أي مكروب للصراحة بيقرب من جسمهم.
علشان كدا محدش يشغل باله بالكلام الفارغ اللي قلناه، وسواء كنت بتتكلم جد ولا بتكدب مش هتفرق لأنه محدش أصلا بيسمعلك.
ملحوظة غير مهمة
لاحظتوا كلمة الأساس جت كام مرة في الكلام الفارغ اللي فات، مع إن مفيش حاجة عندنا ليها أساس بالمرة.
يعني فرضا لو عمنا يوسف السباعي( متتعبش نفسك وتسأل مين يوسف السباعي) خليه عمنا فؤاد المهندس حطلنا شوية حبوب صراحة تخفف شوية من طعم الميكروبات اللي في الميه.
تفتكروا كام واحد هيشرب من مية الحنفية الملوثة بطبيعتها؟.. الإجابة مش محتاجة تفكير كتير.
الغلابة اللي بتوصلهم الميه من الأساس كلهم هيشربوا، وهيقولوا كلام كتير مش محتاجين نكرره علشان محدش يزعل منا..
ومش عايز حد يقلق أو يخاف عليهم، وعلى مصيرهم من الكلام اللي هيقولوه وأنتوا وأنا عارفينه، لأنه ببساطه محدش شاغل باله بيهم وبالكلام اللي بيقولوه، حلو وحش، كلام مذوق ولا من الكلام اللي يودي بلد اللي يروح مبيرجعش.
وبعدين هيجرى لهم أيه يعني من حبوب الصراحة؟، ماهو ما شاء الله الميه مليانة خيرات بتسبب ميِت طريقة للموت مش هتفرق أما يبقوا ميه وواحد.
أما أسيادنا وتاج راسنا أولاد ( العز )- ومحدش يفهمني غلط، فمتخافوش عليهم لأنهم بالأساس مبيشربوش من ميتنا، وبرضه محدش يسألني أومال بيشربوا منين، يعني هو أنا كنت ابن عز عشان أعرف؟
وعموما حتى لو شربوا كل حبوب الصراحة اللي انتجتها العبقرية البشرية لا أعتقد إنها تنفع معاهم، فمن الواضح إن الجينات الوراثية محصنة تماما ضد اختراق أي مكروب للصراحة بيقرب من جسمهم.
علشان كدا محدش يشغل باله بالكلام الفارغ اللي قلناه، وسواء كنت بتتكلم جد ولا بتكدب مش هتفرق لأنه محدش أصلا بيسمعلك.
ملحوظة غير مهمة
لاحظتوا كلمة الأساس جت كام مرة في الكلام الفارغ اللي فات، مع إن مفيش حاجة عندنا ليها أساس بالمرة.
ليست هناك تعليقات:
إرسال تعليق