شهيـــــــــــــــــــدمحمود مرعى
arapo2003@hotmail.com
حافظ على خطوتك
واتمشى براحه
وان قال
مين حضرتك
جاوبله بصراحه
ودوس الزناد
فى الحال
وبص جوه عنيه
وان شفت
سرب عيال
يتنططوا حواليه
إضحك بعزم مافيك
واعمل كما المجنون
واجرى على الأطفال
ووزع البونبون
واحكى كطير
فى السما
شايف هموم الخلق
وابدر بذور الألم
واروى المرار
فى الحلق
وإن سألوا
ع اللى مات
قول انقضى أجله
أصله لقيت علامات
مرسومه من أَجله
مشيت بكل ثبات
خطوه ورا خطوه
وادى النتيجه
مات
لاظلم أو قسوه
وإن شاور
ع الأطفال
واتحسروا وأنوا
أصرخ وقول
دا شهيد
وعيالوا يتهنوا
أموال كتير
وبيوت
ماهو ضحى علشنا
احنا نعيش أحرار
وهو فى الجنه
دم الشهيد أهو راح
والسعر كام ملطوش
وصوره فى الجرنان
ودمعه ع الماشى
واسم وتاريخ
فى رخامه
محبوسه جوه الحوش.
ليست هناك تعليقات:
إرسال تعليق