رباعيات للربيع
***
محمد زهيري
بينى وبين الزهور والورد كام موعد
وفيه مابيننا كلام يتقال ويتردد
شايف حنين القلوب ياورد فى ربيعك
وازاى ابيعك وكنت ف حضنى بتمدد
****
لو مره اعمل جناينى والتقيك بستان
ارويك ودادى وادادى طلعتك بحنان
واصبر عليك برعمه او ورده بتفتح
يمكن تكون جنتى واصبح انا رضوان
****
مريت عليك قلب خالى فى الربيع طيب
فى الوصف كامل مشفتش فيك مايتعيب
وبااحس انك وليفى وريفى تتعاشر
غيرى يشوفك طاووس نافش ومتهيب
****
ياللى هواك منيتى والقلب ليك ميل
يحلا معاك السمر مهما السهر طول
وياريت ساعات الزمن تفضل سنين وياك
بااهواك واخاف من هواك عنى لايتحول
ليست هناك تعليقات:
إرسال تعليق