صبابه
محمد عبدالرازق زهيري
عملت كل الاحتياط والاحتراس
راجعت كل الخبره وسنين المراس
واجهت سحرك با لتماس
قدمته من قلبى المتيم
واحتكم لاهل الحواس
اللى هواهم مش طشاش
واللى ميزان الحب فيهم
مايصيبوش اى ارتعاش
عن سر هذا الانتعاش
اللى واخدنى هناك بعيد
وماليش فى وصفه مهما اعيد
مهما احاول اوازيد
الوصف نفسه مايوافيش
ولاكان يخبى م اللى بيه
من سحر طاغى ع القلوب
خلى جليد الشوق يدوب
ويولد اللحظه العذوب
جوه جنان الانتخاب
بين ورد غصنه والرضاب
والبسمه بتشق العباب
وتفيض علينا بالحنان
تروينا من بحر الامان
ترشق سهام الافتتان
والقلب مابده الخلاص
م اللى اسرنى بافتراس
وانا فى عز الاحتراس
ليست هناك تعليقات:
إرسال تعليق