تقاسيم
محمد عبدالرازق زهيري
يامعلماتى الادب فين
اسمى مابين الرفاقه
خطيت فى حبك دواوين
وحظى شعره فى
ناقه
****
يامعلمانى الفنون كنت
راضى بحالى وصابر
شفت الجمال فيكى ماقدرت
افضل على البعد هاجر
****
يامعلمه والعلام نول
يغزل تياب الاماره
عشقك عدل دفة القول
والكلمه ماهيش شطاره
****
من هملك همل الهم
قال العزول واللى بايع
لكن عاشرتك على الضم
وباطى طايل وسايع
****
وصفوكى لينا قمر زين
توليفه من نبض شاعر
عاش السنين يوصف العين
وايشحال جمال المشاعر
****
يامرغبانى بدون شى
يوحيلى منك براحه
مين قال يفيد الوداد نى
وقلوبنا تهوى السباحه
****
قولتيلى ياما بدون قول
غير بس سنك يلالى
بسمه تخدرنى للحول
واسكن بحورى وخيالى
****
ياام الزمان اللى غلاب
وشباب هواكى اللى شامخ
الفرعنه وشم ع الباب
اما الشطط صك بايخ
****
يكفانى حسنك ادب زاد
ومعين اضمه
لظروفى
ياملهمه حب وراد
بدايات لنبضى وحروفى
****
ساكنه حشايا من المهد
وعهدى حبى وخلاصى
فكرى اليكى مع الجهد
حراس شعور النواصى
****
حبك ياغاليه طغى وطاح
بالباقى من زين وقارى
ازاى تئنى وانا ارتاح
واقول هاويكى وشارى
****
حتى الضنا ليكى شهدين
ياحاويه حسن الموادن
ماضيكى زاهر وشاهدين
انك من احسن معادن
ليست هناك تعليقات:
إرسال تعليق