نحبك واحنا فى اللفه
شعر: محمد عبدالرازق زهيري
وفاكر انى حبيتك
وانا لسانى فى اللفه
وصوتى اللى ا تولد صارخ
ماكان غير رفض للزفه
وادارى ازاى عدم ميلى
لاهل الهتفه والصقفه
وللوش اللى كان غادر
وكان جاير بدون رافه
وللوش اللى كان داير
وباين حتى فى الوقفه
ولون الود فيه شارد
وبارد والعيون راجفه
وفاكر انى موش نازل
مع الاشيا اللى فى الدفقه
وكان ودى فى حين مااخرج
يكون الوضع مش صفقه
واصونك من براح المك
واضمك يامناى واصفى
واعيش فى الكفل ايامى
واحلامى اللى مش هايفه
وارضى بشرع الزامك
والزم حضرة الشرفا
واهدهد كل شىء نامى
واهجر رمية الصدفه
وعزمك احيا فى رحابه
وانا ليكى بميت صرفه
واسكن عشك الدافى
واوافى والفروع وارفه
واحمى العش بجناحى
وترتاحى بلامناكفه
وعلمى يكون ملاغيه
واصاصى والغنا حرفه
وافطم عينى عن غيرك
واكونلك كلى ياعارفه
خلاصى ما اتفصل منك
ووصلك حرف ع الشفه
ليست هناك تعليقات:
إرسال تعليق