لو كنتِ واحدة عادية !! شعر / أميرة الوصيف

لو كنتِ واحدة عادية !!

شعر  / أميرة الوصيف

 

" يمكن تهون القضيه 
لو كنتِ واحدة عادية !
أفتح عليكِ النيران 
و أخلي شكلك " هفيه " !
لو كنتِ واحدة عادية !!
عارفه يا طمطم خيالي ؟
واسع وميت فضفاض !
يتهز من اى كلمة
ويثور لضحكة بنات !
لكن انتِ كنتِ عافية 
وبهية فى الصباحات !
وأنا جمب حُسنك ورق 
لا عليا 
ولا بيا !!
يمكن تهون القضيه
لو كنتِ واحدة عادية

 

لو كنتِ واحدة عادية !
أوشم بحيطك ولد 
هربان من الزنازين !
وأخلى ليلك نهار
ومن نهارك طين !
لو تيجى بس تقوليلى 
من البنات انتِ مين ؟!
يمكن تهون القضيه 
لوكنتِ

واحدة عادية !!
أفتح عليكِ النيران 
و أخلي شكلك " هفيه " !

 

لو كنتِ واحدة عادية

راح كنت أكون " كداب "

أبلف عنيكى بكلام

وأخدها وسط السحاب !!

وتغير عليكِ حقيقتى !

وتحس بالارتياب

انى بغش اليقين

وبلبشه بكلمات

لكن انتِ اكبر كتير

من نشوة الاوقات

وارجع واقول يمكن

لو كنتِ واحدة عادية

تهون معاكى القضيه !