( أنا لو رئيس ) ....شعر: محمود الحبكي
أنا لو رئيس
ح أدخل أفتش في السجون
ع المظلومين
وأسمع شكاوى المحرومين
وأدخل كمان مستشفيات
ومعايا فاكهه ل عيانين
أنا لو رئيس
ح أتمشي في شوارع
حوارى الغلبانين
وأقرا اللي مكتوب
في الكفوف للشقيانين
وأتخفي في هدوم عادى
من غير الحرس
علشان ردود فعل الكمين
أنا لو رئيس
ح أقلب جيوبي وذمتي
وإنتوا اللي تكتبوا كلمتي
والعدل ح يكون حكمتي
وهو اليمين
أنا لو رئيس
الإختلاف مش نفي
ولا كسر الجناح
والإعتراض يصبح متاح
والرأي من غير ضغط
ولا خنق البراح
والحق ليه يصبح سجين
أنا لو رئيس
ح أرفض أعيش في القصر
وأسكن في القلوب
وأفرح بعين تنقدني
وتقول ع العيوب
ب عداله
عيش
حريه
راح تحيا الشعوب
والشعب لو إحتج
ح أركن ع اليمين
أنا لو رئيس
ليست هناك تعليقات:
إرسال تعليق