مساء الريح
شعر: محمد ربيع محمدالشجر المحمي بأشواكه بتهزه
بقسوه جنود الريح
والورق المفروش سجاده
بتلمه عشوش العصافير.
من غير الألم المتوقع لو يدك
حضنت أغصانه او قدمك
طلعت على جزعه
والوردة اللي ف قلب الخوف
بتبص بحرقه على عيونك مش
عارفة بشوقها تعديلك فبترسل
ف عطور فواحه
بتخاطب فيك الإحساس خليها
قريب من قلبك واستنشق
ف عبير طلتها تفرح لك ف النور
أمانيك
ربك بالستر يعدلها كم مرة
حاولت أبص لها
والسور العالي بيتاوب
موجوعه عيونه السهرانه مع
باب بيعاند فى الخطوه من ألمه
بيفضل مقفول
لو مره أخش ف دهاليزك
هاخلع صبارك من جدره
واغرس لك اشجار طراحه
وزهور بتفتح مفاتنها مع صبح
اتنفس بنداه
ليست هناك تعليقات:
إرسال تعليق