حاول تكون قلبك
شيماء عبدالناصر
****
لملم حروف الآهة
وارسمها علي اللوحة
اكتب حنين قلبك
ف أماني مجروحة
اعشق غناك وف ليلك
طبطب علي الموجة
واحضن دموع عينك
واتملي ف الهوجة
واصرخ ف صمت الليل
وابدر أغاني حرير
عمرك ما هوش نايم
بيمر زي النيل
لما يعدي ف شط
ويهدي وايا دليل
حاول تكون قلبك
خلي لروحك روح
تنده عليك وتبوح
دا السر هم وغم
افرش كلامك ندي
علي كل زهرة وعمر
عمر الحياة ما تمر
الا بقلب صحيح
ليست هناك تعليقات:
إرسال تعليق