رباعيات
محمد عبدالرازق زهيري
يامولفه ع الهدد
هديتى ليه حيلى
ضيعتى عمرى بدد
طولتى ليه ليلى
****
وعملتى منى جمل
شايل تراحيلك
وتعبت ايه العمل
ياللى برك حيلك
****
انا وانتى كنا سوا
شركا فى احساسك
كنتى الجراح والدوا
دوستينى بمداسك
****
قلبى ماكان الخلى
ابدا ولا العاصى
بيكى صبح مبتلى
وهواكى ارهاصى
****
ديمقراطية بكش
فيكى على ودنه
والعقل ليكى اندهش
لما طغى حزنه
****
حرية الهلوسه
للكل مكفوله
وصفوكى بالمدرسه
وانتى ف سنه اولى
****
وقت اختيار مجلسك
بيحطموا الامثل
واللى ارتضى ملبسك
الخانع الاسهل
ليست هناك تعليقات:
إرسال تعليق