النيل
شعر: محمد عبدالرازق زهيري
النيل جميل المعانى
همه مابعانى
شافنى ف زمانى
وانا سابح مع التيار
طلع النهار ع البلد
وانا فى الدروب سيار
فتح ودانى
لمعنى هز وجدانى
وزعنى فى سكته
لبلاد وحاضنانى
وبلاد وسايعانى
وبلاد وعاينانى
وبلاد يادوب ع الوداد
فيها الامل حانى
وعزفت الحانى
وحنانه منانى
خدنى لبستانى
يسقى النبات عرقه
ويسمده بالمه
يسرح فى حضن امه
تنشق اوراقه
يشتد على ساقه
تحمل فروعه دوم
وانا وليد اليوم
دوقنى ترياقه
حلفنى لو شافه
ابنى الاصيل مايميل
ولايهجر الشطين
ويحن للتوطين
فيه على الضفه
وانا ضفتى ضايفه
خيراتها مصطفه
والطرح زايد فيض
ويخضر الصحرا
وتلعلع القناديل
فوق صغحة الميه
ويزامل النجمه
فى موكب التراتيل
وانا ياللى بالى طويل
بالل مناديلى
والنيل مناديلى
وانا اليكى بااميل
والميل مودينى
ناحية قمر عينى
اللى مخلينى
فاتح شبابيكى
مستنى يوم ديكى
ييجى بخيط ابيض
يفلق سواد الليل
واحضن شعاع الشمس
تجرى دموعى عوم
ياعازلى ماتلوم
حد الامل متلوم
مدبحش عتمة امس
ولاجا بش فجر اليوم
للنيل جميل الهمس
ليست هناك تعليقات:
إرسال تعليق