أبو بكر حارب المرتدين شعر: مأمون الحجاجي

أبو بكر حارب المرتدين

شعر: مأمون الحجاجي

إلى مولانا العارف بالله/ الشاعر مسعود شومان

مدد يا عم مسعود مدد
يا صاحب الكرامات
قالها الولى

 ووجهوه ع القبله
والبنت حبله
ف شهرها التاسع
وانت حيلك شديد

ف قلبك الجامع

 صحيح الدين

مولود كده ألفه

ا أبو بكر حارب المرتدين
سمّعنى صوتك يا سيدنا

بالرضا اللى ماليك

اأنت لله يرضى عليك
الونس متحاش
من قسوة المماليك
وانت اللى مرمى ع الحسين
والسيده الطاهره
طيب لمّا انت غايب
ريحة المسك جايه منين؟
علمنى درس العصر
أنده على روحى
لو خفت أتوه ف الصحرا

ف كون إتملا سراديب

مش كل اللى طلب النجا نالها
يوسف ف الجب أكله الديب

ويونس يخاف م الحوت
وابراهيم يموت ف النار

يا عم صلى كمان ع النبى

والحاضرين نماً
يا عم مسعود مدد
يبقى اللى فات جالك
قبل روحة الحجاز
سلّم على عيالك

الحاضرين الذكر
مدد يا عم مسعود مدد