{قصايد
مش طويلة }
شعر / رمضان ابراهيم بشير
(1)
بتحاول تلفتْ
نظرك
وانت بتحاول تتقلْ
مش غصبٍ عنكْ
لكن بمزاجكْ
مستنى إعجابها يزيد / ينهار
وفـ أخر جولة
تهجم بذروة عشقك
(2)
دايماً لمَّا
بتبص فى عينيها
الراحة ـ دوغرىـ بتسكن جوَّاك
ولمَّا بصَّتْهيفي عينيك بالصُدفة
يااااااه !
بقتْ الدنيا مش
سيعاك
(3)
ملامحك
لَ غَ
مْ
فجّرْ
م ش ا ع ر ى!
(4)
لِسَّانى نبْتة
و...
ولِسَّاه آوان العشق مهلِّش
وريحتك ماليه إحساسى!
(5)
إفْرض ... لو
رشَّتْ حبَّهْ
من سُكَّرهَا
على بعض ملامحك
ايه اللى
حيحصلْ يعنى؟
ـ طبعاً
بالتأكيد
حتنشلْ حركةْ
حزنك
ودموعك حتنزل حلوه!
(6)
هو صحيح
مش فاكر
أخر مرة ضحك
بس أكيد
حافض مرََّات
حزنه .
ليست هناك تعليقات:
إرسال تعليق