2013/01/24

عيد ميلاد النبي..شعر: الأمير أباظة


عيد ميلاد النبي

الأمير أباظة

في عيد ميلاد النبي
أجمل تهاني العيد
دا عيد ميلاد النبي
عيد أجمل المواليد
الفين صلاة ع النبي
علي سيد المواليد
أحمد رسول الله
طه النبي العدنان
في يوم ميلاد رحمته
أسبّح الرحمن
وارفع دعا للسما
يارب يا رحمن
ترحم عبيدك والنبي
ومصر يا رحمن
***
في عيد ميلاد النبي
ألفين صلاه ع الزين
دا عيد ميلاد النبي
عيد التٌقي يامعين
وصل رسالته النبي
من عند رب الكون
ارحم عبيدك والنبي
لأجل سيد الكون
أحمد رسول العلي
يا أرحم الراحمين
اغفر ذنوب العصي
وارحمنا رب الكون
***
في عيد ميلاد النبي
محمد رسولنا الزين
حامل كتاب رحمتك
ويّا التٌقي يامعين
دي مصر أجمل بلد
فيها المآذن ألف
وأنبياء رحمتك
فيها يزينوها
يارب يارحمن
ارحمها م الطغيان
فيها الغلابة كتير
عايشين علي رحمتك
في عيد ميلاد النبي
ارحمنا يارحمن
واغفر ذنوب البشر
واقبلنا يا منان
***
في عيد ميلاد النبي
ابعت رسايل نور
لأن نور النبي
أحمد دا أجمل نور
بدد ظلام الكون
بالدين وقرآنك
اهدي بنور رحمتك
كل الخلايق دول
بكلمة دافية وموعظة
حول ظلام الليل
لنور بنور رحمتك
يارب يارحمن
يامنزل القرآن
اهدي قلوب حبتك
واجمعها في محبتك
في عيد ميلاد النبي
محمد العدنان .......

ليست هناك تعليقات: