2014/10/27

من غير شنب زجل بقلم الشاعرة: دينا فخري




من غير شنب
دينا فخري


أنا قررت..أعرفكم علي نفسي بالجملة!
مانيش كاملة..ومانيش ناقصة ف كوباية!
بدلدأ من كذا حكاية!!!
أنا اصل مليش صورة..أنا ف الشكل امورة!
وف الهيئة كما النسمة بتسمي ف كذا رواية!
كبدر لليل ، وف الصبح شمساية!!!!
ولما كبرت والخطوة خطت خطوة.........
كما الوش ف فنجان قهوه..علي سهوه....
فنجلت عيون الخَلق وضاق الخُلق من كتر......
ما بيحاكوا ويتحاكوا ويقولوا:
يادي العيبة دي مصيبة تشق طريقها بإديها؟!!!
دي"بت"اتكسرت رجليها!!!!!!!!!!!!!!!!!!!!!!!!!!!!
واتكتروا بيتكتروا حواليا والحرف بقي بمية!!!!
أصبحت ف حكاويهم كما لبانه،كأنهم نسيوا اني انسانه!!!
!STOPبعلو الصوت بقولهلكوا كفاية
!!!TOPأنا قررت اكون ال
ومهما كتر الكلام ويزيد..أنا ف طريقي بقلب عنيد!
أنا قاعدة ،أنا مادة منفردة خلت من التعقيد!!!
أنا رافضة اركب لحية واكون ماحية مبادئ بنت!
أنا موجودة مش بالعند!أنا امبارح ودالوقتي أنا ف الغد!
ايوا أنا الانثي ..مانيش بنسي......
وهقولها بكل انفراد..أنا حقيقة ماليش تضاد!
أنا فكرة بجلبية، بضفرتين بتحجيبة!
ببرمودة او بالجيبة!أنا فرصة معدية!
أنا حياة وأنا رصاصة،أنا كلامي كقناصة!
أنا ثورة وحرية!
مانيش كائن ضعيف سكة!
أنا فرحة أنا ضحكة.....
فلو قاتلتوا الضحكة ف وشوشكوا......
اوشوشكوا:
هكون دمعه بتعكسني ف عينكوا!
فنصيحة وحلقة ف ودنكوا............
عمر الجدعنه ما كانت شنب!!!!
ولا العنب بيتعاير اكمنه بناتي!!!!!!!!
فيوماتي هقولهلكوا ف نبأ عاجل:
لو الجدعنه برجوله....................
فأنا بنت بميت راجل!!!!!!!!!!!!!!!!!!!!!!!!

ليست هناك تعليقات: