2012/03/20

"في رثاء البابا شنودة" قصيدة للشاعر محمد حسنى ابراهيم

في رثاء البابا شنودة
محمد حسنى ابراهيم

وكان طيب وكان طواف
على اعتاب الحبايب دار
بيرمى للندى الخطاف
يلاقى الصبح يطلع دار
يعدى يوزع الضحكه
ويفرش نوره ف السكه
ولو حتى القلوب سًكه
هتفتح له البيبان ماتخاف
وكان طيب وكان طواف
بتسمع منه احلامنا
يفسرها وف آلمنا
نلاقى دموعه قدامنا
بتسبق ع العيون تنشاف
وكان طيب وكان طواف
يلم الخلق ف ضلوعه
ويرسم فجر لطلوعه
ياخدنا لبر وقلوعه
حروف دافيه ايديه مجداف
وكان طيب وكان طواف
ونام والحلم ف عيونه
عشان الصبح مايكونه
سماه تشهد على كونه
شهيد الحق والانصاف
وكان طيب وكان طواف
على اعتاب الحبايب دار
بيرمى للندى الخطاف
يلاقى الصبح يطلع دار


ليست هناك تعليقات: