ليها
قلب وروحشعر: حامد أنور
مش لوحدك اللي جسيت الوريد
وقولت لسه فيه أمل
ولا انت الوحيد
اللي اتبرعت بحته من روحك
علشان تعيش
هي زي م الدنيا عِرْفتها..
عنيده جداً في وقت الضيق
بترفض تنحني وتنخ
بتنفض توبها عن كل العذابات
وتقوم جمل..
بتعدي المحن وتفوق
ليها قلب وروح ومشاعر
بتطول الغريب قبل القريب
ليها عندي خاطر..
مانتاش لوحدك اللي اديتها دم
ولا انت الوحيد اللي سنِدتْ عليك
علشان تقف تاني
وتواصل المسير
هي اللي دايماً سباقة بالغُنا
مفرطه فى البكُا
بتفتح دراعتها براح للنخاسين
والطيبين اللي حبوها وخلاص
واللي قايضو عليها بالرخيص
عساهم يخجلو منها..
وهي اللي دايماً مفرطه فى الدُعا
لو مسِّنا مكروه أو حل علينا التعب
بنروح نلف الأرض من شرقها لغربها
وهي زي ما هي ..
بترش الماورد على العتبات
بتملا القلل .. وبتطلق البخور
وبتنتظر لمتنا تاني ف حِجرها
زي الحبيبة لما بتشتاق للحبيب
هي النهار والشمس وضي القمر فى الليل
هي حضن كبير . .كبير.. كبير
بنطير عليها لما تهزنا الأيام
تمس بإيديها جرحنا
.......... فيطيب
هي اللي دايماً سباقة بالغُنا
مفرطه فى البكُا
بتفتح دراعتها براح للنخاسين
والطيبين اللي حبوها وخلاص
واللي قايضو عليها بالرخيص
عساهم يخجلو منها..
وهي اللي دايماً مفرطه فى الدُعا
لو مسِّنا مكروه أو حل علينا التعب
بنروح نلف الأرض من شرقها لغربها
وهي زي ما هي ..
بترش الماورد على العتبات
بتملا القلل .. وبتطلق البخور
وبتنتظر لمتنا تاني ف حِجرها
زي الحبيبة لما بتشتاق للحبيب
هي النهار والشمس وضي القمر فى الليل
هي حضن كبير . .كبير.. كبير
بنطير عليها لما تهزنا الأيام
تمس بإيديها جرحنا
.......... فيطيب
ليست هناك تعليقات:
إرسال تعليق