عيل صغير كبير
شعر: مجدى عبد الرحيمعيل صغير كبير
قلبه حليب ..
دفيان
أبيض من البفته
مصاحب الأطفال
ومضيع كل فلوسه
ع الشيكولاتة والمصاصة
وتذاكر حديقة ..
الحيوان
ولا عمره يوم يغضب ..
عايش على النسيان
ويلوم نفسه كتير
لو حد منه زعل
ويبات حزين ..
ندمان
.............
إنسان
عيل صغير كبير
معترف بسذاجته ..
وعبله وعبطه ..
عصبى و دمه ..
بيفور ..
على الآخر
وصوته
بيجيب لآخرالشقة ..
البيت ..
الشارع ..
لو شاف حال مايل
لكنه ..
طيب جداً جداً
وحنين
....................
إنسان
عيل صغير كبير
تحبه أو مش تحبه
فاتح مطارح في قلبه
تضلل العشاق
يرتاحوا في قربه
رغم ان الدنيا ..
معانداه
ومش ماشيه معاه
و بيحس دايما بإنه ..
وحيد
........................
إنسان
يمكن ما هوش إنسان
عيل صغير كبير
عيل صغير كبير
عيل صغير
وتاه فى الشقة
..... ف البيت
............. ف الشارع
.................... ف العالم
عيل صغير كبير
معترف بسذاجته ..
وعبله وعبطه ..
عصبى و دمه ..
بيفور ..
على الآخر
وصوته
بيجيب لآخرالشقة ..
البيت ..
الشارع ..
لو شاف حال مايل
لكنه ..
طيب جداً جداً
وحنين
....................
إنسان
عيل صغير كبير
تحبه أو مش تحبه
فاتح مطارح في قلبه
تضلل العشاق
يرتاحوا في قربه
رغم ان الدنيا ..
معانداه
ومش ماشيه معاه
و بيحس دايما بإنه ..
وحيد
........................
إنسان
يمكن ما هوش إنسان
عيل صغير كبير
عيل صغير كبير
عيل صغير
وتاه فى الشقة
..... ف البيت
............. ف الشارع
.................... ف العالم
ليست هناك تعليقات:
إرسال تعليق