مداح
شعر: محمد عبدالرازق زهيري
مداح رسول البرايا
والمدح مقصد وغايه
للبدر حلو السجايا
احمد طبيب القلوب
****
صلوا معا يا على النور
طه مليح الشمايل
وعد ه الهه ببنات حور
وعن حب ربه مامايل
****
دنيا تحير فى الباب
ودروبها صعبه المجاهل
خداعه وكلابها طلاب
ومطمعه كل جاهل
****
تميل تملى على الشهم
توب النداله كاسيها
تنقض يمه كما السهم
ويصير عاليها واطيها
****
والامر فارط مايتلم
والهلف حاز المناعم
سيف الحيا فيها
واتلم
ماينجلى يوم بناعم
****
وانده طبيبى ماترغيش
داوى جراحى ودارى
عند العوازل ما تحكيش
مادام بتالم ووارى
****
قاللى طبيبى الالم صل
ووصل لحد المنابت
وانت علاجك فى لوصال
خليك مواكب مباغت
****
قاللى طبيبى اذا مد
طرح العوازل تميل
اما اذا جاوز الحد
صده ح يصبح قليل
****
دنيا وفى طرحها هم
يكفى البعيد والقريب
والفجر فيها اذا عم
كل المبادىء تسيب
****
ماخدت منها ولاعم
ولاكنت عنتر زمانى
عايش فى حالى بلا هم
وافضل بطبعى زمانى
****
واختم بمدح التهامى
رسول اله البرايا
محمد حبيبى وامامى
اللى فى مدحه شفايا
ليست هناك تعليقات:
إرسال تعليق